REO DE XESÚS FRAGA: AS NOSAS OPINIÓNS

A pesar de que o libro non está de todo mal, o final foi un pouco decepcionante xa que nos esperabamos algo máis. As descripcións están moi ben elaboradas. En xeral gustounos moito xa que trata sobre temas actuais e xuvenís.

Nerea, Noelia e Iria.


Describe moi ben o ambente urbano dun rapaz de dezasete anos, cos seus problemas para elexir qué tipo de futuro quere e os problemas amorosos que lle acontecen. Ten unha grande trama, intrigante grazas á aparición de personaxes como Oni, e divertido por parte dos irmáns Sen e Rai. O final fai que apeteza un segundo libro explicando que pasa coas demais vidas e problemas dos personaxes.

Inés, Elena e Rubén

É un libro moi entretido, a pesar de que o final está incompleto. A pesar de  todo, o libro gustounos moito, sobre todo polas descripcións que ten.

Carlos e Alba.

UN CLUB MOI NUMEROSO

Este ano somos tantos que fixemos dous grupos. Aínda que para a foto non estabamos todos, xa somos un bo lote e ainda podemos ser máis!

VOCABULARIO GRAFFITEIRO

Nesta primeira sesión xa nos manexamos con termos que son novos. Aquí vai o noso vocabulario graffiteiro:

- Chichote: palabra autóctona de Madrid usada para denominar ao grafiteiro de pouca calidade. :3

- Wild Style: graffiti complexo e moi utilizado con moitos adornos. Non se entende o que pon. ^^
-Crew: Grupo de escritores que traballan en grupo.

- Tags: Unha sinatura que se plasma nas paredes.

-Pratas: Peza pintada unicamente con pintura prateada.

- Peza: Traballo dun escritor que acostuma conter o seu nome.

-Kekos: Bonecos que parecen debuxos ou caracteres.

REO, O REI DOS GRAFFITEIROS

Esta é a nosa primeira lectura neste curso "Reo" de Xesús Fraga: a historia dun rapaz calquera dun barrio calquera.  Aquí tedes o booktrailer, a que apetece saber máis?

Premio Raíña Lupa de Literatura Xuvenil 2013 e publicada na colección Costa Oeste da Editorial Galaxia

COMEZAMOS O CURSO!

VIDEO RESUMO DO NOSO ANO LECTOR

Aquí tedes o noso vídeo resumo do noso ano lector: moitas lecturas, moitas risas, moitas descubertas moitas sobremesas caseiras e moi bo rollo... vémonos en setembro!

ENCONTRO CO CLUB DE LECTURA DO IES DE POIO

Para rematar as actividades deste curso tivemos un colofón xenial!: o encontro entre o noso club e o do IES de Poio!

Durante o curso xa tiveramos contacto virtual e compartimos lecturas e agora quixemos coñecernos e intercambiar impresións ao vivo.

As nosas colegas do IES de Poio organizaron un magnífico programa e leváronos a coñecer o Mosteiro de Poio, os arredores e Combarro.

Despois de xantar tivemos ocasión de intercambiar agasallos e falar das lecturas que fixemos durante o curso e as que nos gustaría facer. 

Que ben o pasamos!!

No seu blog "Os trasnos dos libros" tamén podedes ver que foi unha xornada ben linda para tod@s

Un fantástico irmandamento de libros,lecturas e lector@s que terá a súa continuación a comezos do próximo curso cando recibamos en Catoira aos nos@s colegas do IES de Poio. 

Moitas grazas a tod@s!!

NOVA LECTURA: "CROQUETAS Y WASAPS"

Foi unha lectura moi suxestiva para rematar o curso e seleccionamos aquelas frases que máis nos chegaron.... 

ESCOLLA DA NOVA LECTURA

Para escoller esta última lectura por este curso, volvimos a probar a nosa capacidade de observación e o noso criterio para elexir as lecturas. 
Como xa fixeramos algunha outra vez, desta volta decidimos non fixarnos nas capas, nin nos títulos nin nos autores. Non queriamos ningunha distracción: fotos chulas, ilustracións fantásticas, autor@s recoñecid@s, resumos da contracapa que convidan a ler o texto... Nada diso. Libros forrados con papel de xornal e numerados.

Cadaquén colleu a súa folla de valoración e tranquilamente foi percorrendo os libros, facendo as anotacións pertinentes para identificalos.
Unha vez rematada esta primeira parte, escribimos nun papel as dúas lecturas que preferimos. Non fixo falta unha segunda volta, pois unha resultou destacada. Cando o sacamos do seu envoltorio soubemos o título: 

"Croquetas y wasaps" de Begoña Oro

LER TEN PREMIO!

Hoxe temos boísimas noticias no Club de Lectura. 
Imos por partes:
Nerea e Iria foron seleccionadas para participar no Concurso de Jóvenes talentos de Relato Corto de Coca-Cola polos estupendos relatos que fixeron, seguro que con premio ou sen él, van facelo moi ben. Noraboa!
Ademáis Inés foi premiada no III Certame de Relato Curto da Fanpa!!!

Moitísimos parabéns por estes recoñecementos e polos moitos que han vir... xa sabedes LER TEN PREMIO!!

VALORACIÓN FINAL "TES ATA AS DEZ"

Unha vez rematada a lectura, esta é a nosa valoración:

Esta historia de amor e misterio gustounos bastante porque está moi ben redactado, cunha boa estructura e un desenlace inesperado co cal non estamos moi dacordo. Recomendámovolo. 
Marta Lorenzo García, Iria Rodríguez Atanes e Nerea Rey Correa.

Gustounos moito, porque nos gustan moito as historias de misterio e amor. Líase con moita facilidade e rapidez, e non podías parar de lelo...
                  Natalia Loureiro Quintas e Lucía Castiñeiras Vázquez.


Gustounos moito, sobre todo a organización do libro aparte de que ao ser mais curtos os capítulos había mais cousas novas
                   Carlos Castaño Sumay


Gustounos este libro, xa que ten unha estrutura de capítulos cortos que nos enganchou na trama. Pareceunos interesante os elementos entre pai e fillo (chocolatinas,...), a trama é interesante e bastante misteriosa porque xoga coa intriga do lector.  
                  Noelia Burés García e Alba Rodríguez Ocampo

Gustounos moito porque é de misterio e estuvo moi entretido, engancha e non es capaz de deixar de lelo. Aínda que era moi longo, acabase moi rápido.
                   Cristina Chenlo Pérez e Xiana Martelo Castaño

Encantounos moito pola súa parte de misterio e ao mismo tempo de amor. Sempre se lia con intriga e as horas pasábanse enseguida , a verdade e que nos gustou por todo o seu desenvolvemento, ainda que non nos esperabamos ese final foi alucinante.
                    Gabriela Taibo García  e Selene Conde García

Gustounos moito este libro porque combinaba á perfección o misterio cun amor doce e serio, e porque é entretido e a intriga atrápate desde as primeiras páxinas. O único que non nos cadraba era o final, porque é moi repentino en relación ó resto do libro.

Elena Figueiro Díaz, Nerea Loureiro Rey e Rubén Villanustre Loureiro

VÍDEO DO AUTOR DE "TES ATA AS DEZ"

NOVA LECTURA: "TES ATA AS DEZ"

Xa entramos de cheo na nosa nova lectura: "Tes ata as dez" de Francisco Castro!

Coma noutras ocasións, dedicamos unha sesión para escoller a nosa nova lectura: analisamos as capas, lemos as recensións da contracapa, lemos mesmo algunha crítica... e finalmente a maioría dediciu que esta fora a seguinte lectura no club.
Libros misteriosos, correos electrónicos dun pai morto, unha historia de amor... moitos ingredientes atractivos que iremos debullando nas próximas sesións.

Se queres máis información do libro pincha aquí

PRESENTAMOS O NOSO ELENCO DE "A RATEIRA"

Os nos@s amig@s do Club de Lectura "Os trasnos dos libros" do IES de Poio escolleron a lectura de "A rateira" de Agatha Christie e aproveitaron para xogar ás adiviñas (sobremesa mediante) como fixeramos nós. Moito nos gustou esta actividade compartida na distancia e como el@s se deron a coñecer, nós tamén nos presentamos. Xa sabedes a quen lle tocou traernos a merenda ao Club de Lectura?

RETOS DE LECTURA

Comezamos novo ano e con él os propósitos de comezo!!
Propoñémosvos sumarnos aos "Retos de lectura" para 2015. Cántos cumpliredes? Cales vos parecen máis difíciles? Cales cumpristes xa?

    1. Un xénero que non leas con frecuencia (ou mellor aínda, que non tiñas lido nunca)
  2. Un libro publicado por unha pequena editorial independente.
    3.  Un clásico deses que se supón todo mundo debería ter lido

4.  Un libro aínda por ler dun dos teus escritores/as favoritos/as

5.  Un libro escrito por unha muller antes de 1900

6.  Un libro escrito nunha lingua con menos dun millón de falantes

7.   Un libro que teña lugar en África

8.  Un libro que teña lugar en Asia

9. Un libro que teña lugar na túa cidade (ou perto)

10. Un libro publicado neste ano (2015)

11.Un libro escrito por alguén cando aínda non tiña 25 anos

12. Un libro da literatura española ou galega do século XXI

13.  Un libro que gañara un gran premio nos últimos 10 anos

14. Un libro con protagonistas non humanos

15.  Un libro dun autor que nacese o mesmo día ca ti

16.  Un libro baseado nunha historia real

17.  Un libro de máis de 500 páxinas

18. O primeiro libro dun autor/a famoso/a

19. Un libro ao chou, elixido só pola portada e antes de ler o resumo (e non vale se coñeces xa ao autor/a)

20.  Un libro da literatura infantil ou xuvenil

21.   Un libro dun autor/a novel autoeditado

22.  Un clásico esquecido

23. Un libro sobre libros

24.  Un libro que teñas na casa sen ler

Publicado en Libropatas e en Disquecool

LECTURA DRAMATIZADA DE "A RATEIRA"

Rematamos de ler "A rateira" e atrevémonos a dramatizar algunha escea!.
Esta peza teatral leva representándose en londres desde o ano 1952 e xa vai por máis de 25.000 representacións!
Moi intrigante e, coma sempre nas obras de Agatha Christie cun final inesperado... e o noso asasino/a tivo que traernos a merenda!